ಶಾಲೆಯಿಂದ ಮನೆಗೆ ಬಂದ ಪುಟ್ಟ ತುಂಬಾ ಖುಷಿಯಾಗಿದ್ದ. ಶಾಲಾ ವಾರ್ಷಿಕೋತ್ಸವದಲ್ಲಿ ನಡೆಯುವ ನಾಟಕದಲ್ಲಿ ಅವನೂ ಒಂದು ಪಾತ್ರ ಮಾಡುವವನಿದ್ದ. ಮನೆಯ ಎಲ್ಲರೂ ತನ್ನ ನಾಟಕ ನೋಡಲು ಬರಲೇ ಬೇಕೆಂದು ತಾಕೀತು ಮಾಡಿದ. ಎಲ್ಲರೂ ನಾಟಕ ನೋಡಲು ಹೋಗುವುದೆಂದು ನಿರ್ಧಾರವಾಯ್ತು.
ಪುಟ್ಟನದು ದೇವತೆಯ ಪಾತ್ರ. ಮನೆಯಲ್ಲಿಯೂ ರಿಹರ್ಸಲ್ ಶುರುವಾಯ್ತು.
ನಾಟಕದ ದಿನವೂ ಬಂತು. ಕಿರೀಟ, ಆಭರಣ ತೊಟ್ಟು ದೇವರ ಗೆಟಪ್ಪಿನಲ್ಲಿ ರೆಡಿಯಾದ ಪುಟ್ಟ.
ಅವಿಭಕ್ತ ಕುಟುಂಬ. ಮನೆಮಂದಿಯೆಲ್ಲ ಸಂಭ್ರಮದಿಂದ ರೆಡಿಯಾದರು. ೨-೩ ಎತ್ತಿನ ಗಾಡಿ ಕಟ್ಟಿಕೊಂಡು ೩ ಕಿ. ಮೀ ದೂರದ ಶಾಲೆಗೆ ಹೋದರು. ನಾಟಕ ಶುರುವಾಯ್ತು. ಎಷ್ಟು ಹೊತ್ತಾದರೂ ಮನೆಮಗನ ಸುಳಿವಿಲ್ಲ. ಇನ್ನೇನು ನಾಟಕ ಮುಗಿಯಿತು ಎನ್ನುವಸ್ಟರಲ್ಲಿ ಪರದೆಯ ಹಿಂದಿನಿಂದ ಪುಟ್ಟನ ದ್ವನಿ ಕೇಳಿಸಿತ್ತು. ಆಗಲೇ ಗೊತ್ತಾಗಿದ್ದು ಅವನದು ‘ಅಶರೀರವಾಣಿ ದೇವತೆ’ಯ ಪಾತ್ರ ಎಂದು. 
